Skólastelpa

Þá er maður bara byrjaður í námi aftur. Fór í fyrsta tímann í spænskunni í gær og leist bara þrusuvel á. Fyrsti tíminn var þó sá allra áhugaverðasti fyrir mig en það var menning, þjóðlíf og saga Spánar. Þar er tekið á bókstaflega öllu sem snertir spænska karakterinn og stiklað á því stærsta í sögu landsins. Áhugi minn var svo allsvakalegur að eftir tíma fór ég í Þjóðarbókhlöðuna og gerði það sem ég hef aldrei gert áður á mínum námsferli: Tók aukabækur til aflestrar um námsefnið. hehe..algjör sleikja ;) Það sem mér finnst líka svo einstaklega þægilegt við þetta nám eru öll einstaklingsverkefnin sem maður fær að gera. Á þeim þremur árum sem ég varði í Tækniháskólanum held ég að ég hafi gert nákvæmlega eitt slíkt verkefni. Allt hitt í hópum, sem út af fyrir sig er auðvitað mjög gott og lærdómsríkt en afskaplega þreytandi til lengdar. Endalaust streð um að finna tíma sem hentar öllum, finna orðalag sem allir eru sáttir við og endalaus pirringur yfir að koma sér ekki saman um hlutina. Jú...á endanum lærir maður að sjálfsögðu að vera team player sem er náttúrulega nauðsynlegt í nútímasamfélagi..en meeeeen...hvað ég er samt fegin að geta bara sest fyrir framan tölvuna á kvöldin og skrifað mína ritgerð í friði :) Jamms...eins og ég segi þá leggst þetta svaka vel í mig.