Cumpleaños feliz....

Jæja þá er maður víst orðinn árinu eldri og vonandi eitthvað vitrari í leiðinni. Alltaf voða gaman að eiga afmæli finnst mér. Maður verður eitthvað svo meyr við að fá öll afmælis smsin og óskirnar :) Dagurinn var tekinn afspyrnu rólega, ég gaf sjálfri mér frí, smellti í eina köku og hafði það kósý heima. Svo kom nú bóndinn heim og eldaði þennan líka brjálaða kjúklingarétt í kvöldmat fyrir Hati sína. Familían kíkti svo aðeins í heimsókn en annars var kvöldinu eytt á rólega mátann upp í sófa. Dáðist að frammistöðu Magna í Rockstar. Ekki nóg með það að maðurinn syngi frábærlega þá er hann landinu til sóma með framkomu sinni. Og jeeminn hvað var krúttlegt að sjá fjölskylduna hans þarna í salnum :D

Bið að heilsa ykkur í bili.