Bíla...bloody...blóðpeningur

Í fréttum er þetta helst:

Betri helmingurinn fór í veiðiferð í vikunni og ætlaði aldeilis að láta reyna á krafta Hondunnar. Hann er nefninlega svo viss í sinni sök að bíllinn sé jeppi en ekki jeppLINGUR og vill meina að við getum krúsað yfir hvaða á sem er. Nú jæja...það fór ekki betur en svo að Honda litla hreinlega örmagnaðist eftir að bóndinn keyrði yfir lítinn LÆK á henni og fór að gefa frá sér skuggalegt hljóð. Ég fór því með litlu á verkstæði í morgun.

Það kom í ljós að við skötuhjúin erum orðin heldur betur JÖFN í bílatjóni. Eða ekki kannski jöfn heldur frekar mjög svo ójöfn þar sem Jesús hefur náð stórlegum yfirburðum. Í ljós kom að greyið litla hafði fengið vatn inn á vélina og kostar það ekki 20...ekki 30..ekki 100 heldur nálægt 200ÞÚSUND krónum í viðgerð!!! Geri aðrir betur. Við skulum því til gamans taka saman bifreiðaútgjöld ársins fyrir utan bensín:

1) Halla skemmir dekk = 12.000
2) Jesús fær sekt á mótorhjólinu = 30.000
3) Jesús bleytir vél = 200.000.

Þetta gera samtals 242.000 kr en fyrir þann pening gætum við farið í mánaðarreisu til Spánar.
Nú er það ekki ég heldur bóndinn sem er settur í straff og það heeeeelv..langt ;) Svo eru það bara núðlur og vatn út árið... :S