Jólin...eða hvað?

Einhverjir kvörtuðu yfir að jólin væru óvenju snemma á ferð í ár. Þau eru víst komin í Ikea og jújú einnig hérna í Teigunum. Við ætlum að borða jólamatinn í kvöld! Hér eru spænskir menn á fullu inn í eldhúsi við að elda hrygginn og sósuna. Svosem ekkert slæmt við það að borða hamborgarhrygg í kveld...en ég vil taka það fram að hugmyndin var ekki mín :D Fyrir mér er hamborgarhryggur beintengdur við aðfangadagskvöld. Samt dáldið fyndin fusion eldamennska í gangi þar sem meðlætið er hvítlauksbrauð og kartöflur alioli :D

Eigum í stríði við reykynjara dauðans. Kvikindið fer í gang í hvert e-i-n-a-s-t-a skipti sem við eldum og ég vil taka það fram að hann er ekki einu sinni inn í sjálfu eldhúsinu. Lítur kannski út fyrir að við séum í e-i brjálaðri brælu alltaf endalaust en það er nebbla alls ekki málið! Smá gufa bara og tækið strax farið að væla. Þurfum núna alltaf að elda með útidyrahurðina opna! Ég er samt ekki á því að skipta þessu út því maður lifandi hvað þessi á eftir að bjarga manni ef einhvern tímann á eftir að kveikna í. En þá bræðir hann örugglega úr sér af áreynslu samt....